回歸原點第六彈 : Figma 008 泉 こなた

上個月出左好多我好喜歡既FIGMA角色, 同佢地影左一D REPORT,
終於又番到去回到原點第X彈, 影番舊FIGMA了(笑)

今次分享既主角係 泉　こなた, 出自作品:らき☆すた

繼第三,四,五彈既かがみ、つかさ、美幸後, 終於到壓軸既主角: こなた出場了
講起こなた, 相信最深印象就係佢おたく既特色吧(不過之後就比桐乃比下去了),
こなた自少母親巳經唔o係度, 同佢爸爸相依為命, 所以興趣就漸漸變得同佢一樣, 喜歡動漫相關既事物, 而本人都自稱五歲就同爸爸一齊去COMIKE(苦笑), 除此之外, こなた最喜歡既聲優係 平野綾, o係動畫中曾經表示好想要平野綾 簽名, 不過心水清既各位都知道, こなた既聲優都係平野綾(笑)

不過こなた唔係所有動漫相關既事物都會接觸, こなた本人唔喜歡睇好多字既書, 所以かがみ好喜歡既輕小說佢都唔多睇的, 主力集中係漫畫同遊戲(包括十八禁). 因為唔鐘意睇書關係, 所以こなた從來唔帶課本番屋企, 但佢頭腦唔差, 又有"臨陀抱佛腳"依招秘技, 所以考得都唔錯, 什至有かがみ差唔多既好成績

こなた本人運動神經相當好(可能因為係貧乳(誤)), 但因為運動比賽經常同動畫撞期, 所以こなた唔係太熱衷運動, 此外, こなた繼承左佢爸爸既哭痣, 值得一提既係こなた有亞種的

就係あっちこっち既 御庭 つみきちゃん了(個人幾喜歡E套動畫)

好了, 開始今次既SHARING吧

最初に言っておく。あたしは伝説の少女Aだ
最初先講明, 我就係傳說既少女A (零王　桜井祐斗)

除左哭痣, こなた仲有貓咀同呆毛依兩個個人商標

一如過往, FIGMA LUCKY STAR系列既配件都好少,

こなた只有多一款面相同依個朱古力卷 LOL
不過FIGMA本體好工整, 所以都抵買的(當時價格)

而且早期FIGMA都好細心, 如要o係頭髮開洞, 會整多一條頭髮作掩蓋用

而家??小忍要買埋FIGFIX先有無洞既頭, 唉...

こなた著名既手指指POSE, 可惜FIGMA無其專用面相(三角嘴)

開始動作POSE吧(笑)

OP中こなたSOLO部分

暧昧３センチ そりゃぷにってコトかい？ ちょっ！

TIGA TIGA TIGA!!!

來一個唔同形象既こなた吧, (賢良淑德MODE)

こなた: MASTER, マスター、お帰り、まず食事ですか？お風呂ですか？それに、あ。た。し？(以上全是虛構)

にゃにゃにゃ～貓咀同貓手好MATCH(笑)

こなた: 我諗到一個好PLANNING去採購COMIKE同人誌了, 就搵かがみ做我FUNNEL吧

こなた:あああああああ！！！涼宮ハルヒ　と　平野綾さんだ！！！！！

既然提開平野綾さん,

NEXT SHRAING就係佢吧(笑)

名場面: LUCKY STAR 舞, 當年同涼宮舞一樣咁出名的

最後送上我家TOP TEN FIGMA: デッドマスター

後記, 

終於影晒全部LUCKY STAR成員了(我只有冬服)

每一位成員都陪左我差唔多六年了, 當年仲係高校生, 每位成員都要諗清諗楚, 儲錢先買到

所以我分外珍惜前期FIGMA(而家出既都珍惜(笑))
儲左7年, 最近FIGMA 既銷售方式令我既熱情有D冷卻...
好希望奸笑社好好檢討一下

THANK YOU FOR YOUR WATCHING

你的支持, 我的動力

回歸原點特別篇 : 紙箱人的沙巴冒險之旅

今次分享曉主角係 紙箱人; 冒險地點: 沙巴

忙左好耐, 終於做晒手頭上既大PROJECTS,
所以忍唔住了, 立即約朋友們一齊去一個短TRIP (3日2夜) RELAX一下(笑)
出發前, 同朋友傾左一陣, 大家都想去陽光與海灘既地方, 睇旅遊網推介同其他朋友FEEDBACK, 最後選擇左沙巴, 體驗一下南國風情
一決定好, 就拎起背囊‎, 出發前往依片未知之地

講番少少沙巴既BACKGROUND,
沙巴（馬來語：Sabah），簡稱沙，係馬來西亞的十三州之一，
位於婆羅洲島北部。 沙巴係全國第二大區域，僅次於位於其西南方的砂拉越，與南方既印度尼西亞的東加里曼丹省接壤。

沙巴享有風下之地（Land Below The Wind）或是風下之鄉之美譽，原因係沙巴既位置o係飽受颱風肆虐的菲律賓之南，但颱風唔會經過沙巴。沙巴首府為亞庇，前名為Jesselton。沙巴分別經歷過兩次由英國同日本既殖民地統治, 直至1963 年, 馬來西亞聯邦成立, 沙巴成為其中一員

沙巴作為旅遊重鎮, 除左廣為人知既水上活動同潛水外,
佢既生態多樣性 (BIO-DIVERSITY) 令佢有POTENTIAL 發展生態旅遊, 吸引更多唔同遊客同生態意識 (WIKI and Local Tour Guide Information)
(值得一提既係沙巴同香港係同一時區, 所以無時差的)

我有一個習慣, 每次旅行都會帶我家既紙箱人一齊去玩, 所以今次都唔例外(笑)
事不宜遲, 開始今次既SHARING 吧
(第一次寫旅遊SHARING, 請多多包涵)


今次選擇左AIR ASIA廉航, FLIGHT 既時間出名唔靚, 不過價錢OK
6點幾早機(回程), 4點CHECK IN, 所以訓機場算了
(不過老實講, 其實真係好驚搪AIR ASIA / 馬航)

第一日都係行一行市中心, 試一試當地仲多過M 記既印度餐廳

佢地(印度人主食係薄餅(類似北京填鴨既餅皮), 不過同香港既唔同, 多左韭黃同太陽蛋
而且佢地既咖哩偏辣同多椰香

今次沙巴TRIP重頭行程划之一就係去"美人魚島" (Mantanani Island) , 即係"水奶島" (大誤)


不過, 我好大意咁漏左紙箱人o係HOSTEL, 真係好失策....LOL
所以以下水奶島E一PART 並沒有紙箱人出場戲分...LOL

一落船, 就見到E一充滿異國特色既碼頭

上面兩支旗好有夏威夷FEEL (笑)

從橋望番去, 可以見到一條好靚既水平線,

藍天,白雲, 水天一色, 好感動

沙灘雖然唔大, 但水清沙幼,
訓上沙灘椅, 望向大海, 一樂也

影左一陣相, 出發去浮潛

水質真係好好, 淺水區域都清澈見底,
可見到好靚既淺藍色

朋友有GO PRO,
相片同VIDEO仲執緊, 希望遲D可以再SHARE

不過有一點想講, 旅遊業雖然帶黎可觀既收益
不過過於頻繁既活動有反效果
我o係浮潛時見到好多珊瑚都死左, 全灰左,,,

至於第三日, 去左一間好出名既叻沙店食午餐

第一次食叻沙(後), 感覺好好食, 有好香既椰汁,而且唔油, 唔小心食左兩碗

至於前面既係牛雜米粉, 湯底係用肉骨茶, 估唔到咁夾, 好好味
值得一提, 沙巴物價好平, 食一碗米粉都只係7蚊RM, 大約係18 HKD

黎到沙巴, 當然要試試拉茶(感覺比奶茶淡, 可以慣左港式奶茶)

拉茶, 雙層拉茶聽得多, 不過我試左一杯"三層拉茶",
底部黑色既係黑糖, 搞完後又出奇地唔太甜, 補完左拉茶淡既口感

食完午餐, 出發去水上清真寺City Mosque

顧名思義, 水上清真寺o係水上面(廢話)

好多馬來西亞人係信奉回教的

清真寺內部見到好有特色既地毯

充滿回教色彩

而且City Mosque採用左透光設計, 天然光可滲入內部, 無燈都好光猛
牆上採用左幾合圖案裝飾, 好有現代感

圖中比較矮既圓頂代表女性,
回教中, 男主外, 女主內, 所以禮拜都會o係比較矮既圓頂進行

跟住去左沙巴最高既天文台,

從圖中所見, 沙巴既建築物其實唔高, 平均只有10~13 層

沙巴仲保留左一D好有特式既小店,

可以搵到以前香港士多既乾果, 好懷念

最後一個去既景點係Tunku Abdul Rahman Marine Park,

同水奶島一樣, 有一條好靚既水平線, 而且係一個睇日落既著名景點
所以一去到忍唔住影左一個全景圖(笑)

o個時去係潮退,所以好多濕沙



我家紙箱人見到咁靚既海, 表現得好興奮

興奮完, 攰了,
所以就o係沙灘椅上休息了

 紙箱人與咖啡(只係RM3.9, 10 HKD 唔使)

到重頭戲日落了, 每一分鐘都變化萬千,

果然夕陽無限好

最後, 送上唔同風景照吧

2013 年我去左EUROPE, 都同紙箱人影左一D 相, 各位想睇嗎? (笑)

後記:

同朋友一齊BACKPACK旅行真係好開心
過左一個短暫假期, 充一充電, 係時候再同工作奮鬥了(苦笑)

THANK YOU FOR YOUR WATCHING

你的支持, 我的動力